வீரம் பொதுமறைதான்
வேலனுக்கும் வீரமுண்டு
வேல்விழிக்கும் வீரமுண்டு
கண்டேன் நான் கடற்கரையில்
கண்டங்கே களிப்புற்றேன்!
வெற்றிதனை கொண்டாட
வேண்டாமே முரசொலிகள் !
சாதனையை போற்றிடவே
சங்கொலிகள் தேவை இல்லை !
சங்கம் வளர்த்த தமிழ்ச்
சொற்கள் மட்டும் போதும் என்பேன் !
வீர தமிழ் முழக்கங்கள்
விண்ணதிர வேண்டும் என்பேன் !
பேச்சுக்கு உரிமையில்லை
பேராண்மை எதற்கு என்பேன் !
எழுத்துரிமை இல்லை என்றால்
எதற்கிங்கே குடியரசு !
கூட்டாட்சி தத்துவத்தை
குழிதோண்டி புதைத்துவிட்டீர் !
கொல்லுமடா உம்மை எந்தன்
கொடுந்தமிழ்ச் சொற்கள் தாமே!
கருத்துகள் இல்லை:
கருத்துரையிடுக